II
(1) Factvm est avtem in
diebvs illis exiit edictvm a Caesare Avgvsto vt describeretvr vniversvs orbis. (2)
Haec descriptio prima facta est praeside Syriae Qvirino. (3) Et ibant omnes vt
profiterentvr singvli in svam civitatem. (4) Ascendit avtem et Ioseph a
Galilaea de civitate Nazareth in Ivdaeam in civitatem David qvae vocatvr
Bethlehem eo qvod esset de domo et familia David (5) vt profiteretvr cvm Maria
desponsata sibi vxore Praegnante. (6) Factvm est avtem cvm essent ibi impleti
svnt dies vt pareret (7) et peperit Filivm svvm Primogenitvm et pannis Evm
involvit et reclinavit Evm in praesepio qvia non erat eis locvs in deversorio. (8)
Et pastores erant in regione eadem vigilantes et cvstodientes vigilias noctis
svpra gregem svvm. (9) Et angelvs Domini stetit ivxta illos et claritas Domini
circvmfvlsit illos et timvervnt timore magno. (10) Et dixit illis angelvs Nolite timere ecce enim evangelio vobis gavdivm magnvm qvd erit omni popvlo (11)
qvia natvs est vobis hodie Salvator qvi est Christvs Dominvs in civitate David.
(12) Et hoc vobis signvm invenietis Infantem pannis involvtvm et positvm in
praesepio. (13) Et svbito facta est cvm angelo mvltitvdo militiae caelestis
lavdantivm Devm et dicentivm (14) Gloria in altissimis Deo et svper terram pax
in hominibvs bonae volvntatis. (15) Et factvm est vt discesservnt ab eis angeli
in Caelvm pastores loqvebantvr ad invicem Transeamvs vsqve Bethlehem et
videamvs hoc verbvm qvod factvm est qvod Dominvs ostendit nobis. (16) Et
venervnt festinantes et invenervnt Mariam et Ioseph et Infantem positvm in
praesepio. (17) Videntes avtem notvm
fecervnt verbvm qvod dictvm erat illis de Pvero hoc. (18) Et omnes qvi
avdiervnt mirati svnt de his qvae dicta erant a pastoribvs ad ipsos. (19) Maria
avtem conservabat omnia verba haec conferens in corde svo. (20) Et reversi svnt
pastores glorificantes et lavdantes Devm in omnibvs qvae avdierant et viderant
sicvt dictvm est ad illos. (21) Et postqvam consvmmati svnt dies octo vt
cirvvmcideretvr vocatvm est nomen eivs Iesvs qvod vocatvm est ab angelo
privsqvam in vtero conciperetvr. (22) Et postqvm impleti svnt dies pvrgationis
eorvm secvndvm legem Moysis tvlervnt
illvm in Hierosolymam vt sisterent Domino (23) sicvt scriptvm est in lege
Domini Omne mascvlinvm adaperiens vvlvam sanctvm Domino vocabitvr (24) et vt
darent hostiam secvndvm qvod dictvm est in lege Domini Par tvrtvrvm avt dvos
pvllos colvmbarvm. (25) Et ecce homo erat in Iervsalem cvi nomen Simeon et homo
iste ivstvs et timoratvs exspectans consolationem Israel et Spiritvs Sanctvs
erat svper evm (26) et responsvm acceperat ab Spiritv Sancto non visvrvm se
mortem nisi privs videret Christvm Domini. (27) Et venit in Spiritv in templvm.
Et cvm indvcerent pvervm Iesvm parentes eivs vt facerent secvndvm consvetvdinem
legis pro eo (28) et ipse accepit Evm in vlnas svas et benedixit Devm et dixit (29)
Nvnc dimittis servvm tvvm Domine secvndvm verbvm tvvm in pace (30) qvia
vidervnt ocvli mei salvtare tvvm (31) qvod parasti ante faciem omnivm popvlorvm
(32) lvmen ad revelationem Gentivm et gloriam plebis tvae Israel. (33) Et erat
pater eivs et mater mirantes svper his qvae dicebantvr de Illo. (34) Et
benedixit illis Simeon et dixit ad Mariam matrem Eivs Ecce positvs est hic in
rvinam et resvrrectionem mvltorvm in Israel et in signvm cvi contradicetvr (35) et tvam ipsivs animam
pertransiet gladivs vt revelentvr ex mvltis cordibvs cogitationes. (36) Et erat
Anna prophetissa filia Phanvel de tribv Aser. Haec processerat in diebvs mvltis
et vixerat cvm viro annis septem a virginitate sva (37) et haec vidva vsqve ad
annos octoginta qvattvor qvae non discedebat de templo ieivniis et
obsecrationibvs serviens nocte ac die. (38) Et haec ipsa hora svperveniens
confitebatvr Deo et loqvebatvr de illo omnibvs qvi exspectabant redemptionem
Iervsalem. (39) Et vt perfecervnt omnia
secvndvm legem Domini reversi svnt in Galilaeam in civitatem svam Nazareth.
EVANGELIVM SECVNDVM LVCAM
No hay comentarios:
Publicar un comentario