Felices Pascuas de la Natividad y de la Epifanía de Nuestro Señor Jesucristo.

II

          (1) Cvm avtem natvs esset Iesvs in Bethlehem Ivdaeae in diebvs Herodis regis ecce Magi ab oriente venervnt Hierosolymam (2) dicentes Vbi est, qvi natvs est, rex Ivdaeorvm. Vidimvs enim stellam eivs in oriente et venimvs adorare evm. (3) Avdiens avtem Herodes rex tvrbatvs est et omnis Hierosolyma cvm illo (4) et congregans omnes principes sacerdotvm et scribas popvli sciscitabatvr ab eis vbi Christvs nasceretvr. (5) At illi dixervnt ei In Bethlehem Ivdaeae. Sic enim scriptvm est per prophetam (6) Et tv Bethlehem terra Ivdae neqvaqvam minima es in principibvs Ivdae ex te enim exiet dvx qvi reget popvlvm mevm Israel (7) Tvnc Herodes clam vocatis Magis diligenter didicit ab eis tempvs stellae qvae apparvit eis (8) et mittens illos in Bethlehem dixit Ite et interrogate diligenter de Pvero et cvm inveneritis renvntiate mihi vt et ego veniens adorem evm. (9) Qvi cvm avdissent regem abiervnt. Et ecce stella qvam viderant in oriente antecedebat eos vsque dvm veniens staret svpra vbi erat pver. (10) Videntes avtem stellam gavisi svnt gavdio magno valde. (11) Et intrantes domvm vidervnt Pvervm cvm Maria matre eivs et procidentes adoravervnt evm et apertis thesavris svis obtvlervnt ei mvnera avrvm et tvs et myrrham. (12) Et responso accepto in somnis ne redirent ad Herodem per aliam viam reversi svnt in regionem svam. (13) Qvi cvm recessissent ecce angelvs Domini apparet in somnis Ioseph dicens Svrge et accipe Pvervm et Matrem eivs et fvge in Aegyptvm et esto ibi vsque dvm dicam tibi fvtvrvm est enim vt Herodes qvaerat pverum ad perdendvm evm. (14) Qvi consvrgens accepit Pvervm et Matrem eivs nocte et recessit in Aegyptvm (15) et erat ibi vsque ad obitvm Herodis vt adimpleretvr qvod dictvm est a Domino per prophetam dicentem Ex Aegypto vocavi filivm mevm. (16) Tvnc Herodes videns qvoniam illvsvs esset a Magis iratvs est valde et mittens occidit omnes pveros qvi erant in Bethlehem et in omnibvs finibvs eivs a bimatv et infra secvndvm tempvs qvod exquisierat a Magis. (17) Tvnc adimpletvm est qvod dictvm est per Ieremiam prophetam dicentem (18) Vox in Rama avdita est ploratvs et vlvlatvs mvltvs Rachel plorans filios svos et nolvit consolari qvia non svnt. 

                    EVANGELIVM SECVNDVM MATTHAEVM